Næstkomandi miðvikudag, 1. apríl, verða tónleikar lengrakominna nemenda haldnir í Seltjarnarneskirkju. Það er fyrir löngu orðin föst hefð í tónlistarskólanum að halda sérstaka tónleika fyrir þá nemendur skólans sem lengst eru komnir í námi sínu. Það veitir þeim tækifæri til að sýna sig og sjá aðra sem eru á svipuðu stigi í náminu.

Kæru nemendur og foreldrar/forráðamenn. Við viljum vekja athygli ykkar á því að nú er skráning umsókna fyrir næsta skólaár hafin á heimasíðu Seltjarnarnesbæjar. Umsóknarfrestur er til 20. apríl, en ekki verður tekið við umsóknum eftir þann tíma. Við bendum ykkur því vinsamlegast á að sækja um tímanlega.

Laugard. 28. feb. kl. 13:00 - 15:00

Hinn 21. febrúar rak happafeng á fjörur nemenda og kennara Tónlistarskóla Seltjarnarness því að Víkingur Heiðar Ólafsson píanóleikari kom í heimsókn og hélt þar opna kennslustund (masterclass).

Skömmu fyrir jól kom út ný íslensk bók fyrir blásturshljóðfæri. Í henni er að að finna safn hvorki meira né minna en 100 þekktra sönglaga. Fullt af lögum við allra hæfi og frábær viðbót með hefðbundnu kennsluefni.

Starfsfólk Tónlistarskóla Seltjarnarness sendir nemendum og forráðamönnum þeirra sínar bestu kveðjur.

Gleðilegt ár!

Tónlistarskóla Seltjarnarness barst nú nýverið svohljóðandi bréf frá formanni Íþrótta- og tómstundaráðs:

Fréttabréf haustsins 2008 hefur nú verið sent með tölvupósti til allra nemenda eða forráðamanna. Þar er að finna allar helstu upplýsingar um skólastarfið til jóla þ.m.t. allir tónleikatímar og fleira. Fréttabréfið er einnig að finna hér á síðunni.

Hér geturðu skoðað fullt af myndum frá lúðrasveitarstarfinu í tónlistarskólanum, m.a. af fyrstu æfingu nýjustu sveitarinnar og einnig eldri myndir frá ýmsum tímum. Góða skemmtun!!

Til skamms tíma voru lúðrasveitir tónlistarskólans aðeins tvær. En nú er aftur búið að mynda þriðju lúðrasveitina við skólann. Yngstu blásturshljóðfæraleikararnir sem að hófu nám sitt fyrir einungis tveimur mánuðum hafa verið boðaðir á æfingar. Æfingar munu fara fram á fimmtudögum kl. 16:00-16:50 í nýjum æfingasal tónlistarskólans.